स्याङ्जा ६ असोज ।
प्रगतिशील लेखक संघ स्याङ्जाको आयोजनामा ‘समृद्ध नेपालको अभियानमा प्रगतिशील लेखकको भुमिका’ विषयक प्रवचन कार्यक्रम सम्पन्न भएको छ । प्रगतिशील लेखक संघको स्थापना दिवसको उपलक्ष्यमा प्रगतिशील लेखक संघ स्याङ्जाको आयोजनामा उक्त कार्यक्रम गरिएको हो ।
प्रगतिशील लेखक संघ गण्डकी प्रदेशका अध्यक्ष लोक बहादुर थापाको प्रमुख आतिथ्यमा भएको कार्यक्रम बोल्दै थापाले मुलुकको समृद्धिमा लेखकहरूको महत्त्वपूर्ण भूमिका रहने, मुलुकको संस्कृति, पर्यटन, भविष्य लगायतका हरेक विषयमा प्रगतिशील लेखकहरूको क्रियाशिल लेखनि र प्रकाशनले देशलाई गति दिने बताएका थिए ।
कार्यक्रममा लेखक सूर्य डुम्रे, कवि सुरज उपाध्याय, चुडामणि पौडेल, संगिता सारथि, लिल बहादुर कुवर, पुतलीबजार नगरपालिकाका जन प्रतिनिधि तेज प्रसाद शर्मा नेपाल कम्युनिस्ट पार्टी (नेकपा) का नगरसदस्य भरत मल्ल, नेपाल घरेलु तथा साना उद्योग महासंघ गण्डकी प्रदेशका कोषाध्यक्ष देवेन्द्र कुमार श्रेष्ठ, नेकपाका नेता रामचन्द्र भट्टराई, लगायतले आफ्नो भनाइ राखेका थिए ।प्रलेस स्याङ्जाका सचिव अनन्तकुमार श्रेष्ठले संचालन गरेको कार्यक्रममा स्वागत मन्तब्य उपाध्यक्ष चिन्तु गिरीले गरेका थिए । कार्यक्रम प्रलेस स्याङ्जाका अध्यक्ष देवेन्द्र लम्सालको अध्यक्षतामा सम्पन्न भएको थियो ।
