स्याङ्जा, ३ असोज ।
आज संविधान दिवसको अवसरमा देशभर विभिन्न कार्यक्रमका साथ मनाइदै छ । नेपाल सरकारले असोज दुई गतेवाट चार गतेसम्म संविधान दिवस मनाउन सबै तहमा गरेको निर्देशन वमोजिम आज वालिङ नगरपालिकाले प्रभातफेरी गरेको छ ।
वालिङ नगरपालिका कार्यालयवाट सुरु गरिएको प्रभातफेरी वालिङ मोड, भकुण्डे, भूम्रे, तल्लोवालिङ हुँदै वालिङ मोडमा आएर सम्पन्न हुँदै छ । प्रभातफेरीको शुभारम्भ गर्दै वालिङ नगरपालिकाका नगर प्रमुख दिलिप प्रताप खाँणले जनताको लामो वलिदानीको उपलव्धी नयाँ संविधान कानुन मात्र नभएर नेपालको ऐतिहासिक साझा दस्तावेज रहेकाले यसको रक्षा र गरिमा उच्च राख्न सबै नागरिकलाई आग्रह गरेका छन् ।
जनताको अधिकार सुरक्षित गर्न जनताकै वलवाट निर्माण गरिएको संविधानले नेपाललाई बलियो र समृद्ध र मर्यादिन वनाउने काम गरेको उल्लेख गर्दै नगर प्रमुख खाँणले भने, ‘संविधानले सबै नागरिकलाई विना भेदभाव मौलिक हक र स्वतन्त्रता सुनिश्चित गरेको वताएका थिए ।’ संविधान अनुरुप तिनै तहका सरकार स्थापना भएको उल्लेख गर्दै संविधान र लोकतान्त्रिक गणतन्त्रको रक्षाका लागि सबै नेपाली एक भएर लाग्न यस दिवसका अवसरमा प्रेरण मिलोस भन्ने कामना गरेका थिए ।
प्रभातफेरीमा वालिङ स्थित संघ संस्था, नागरिक समाज, कर्मचारी, उद्योगी व्यापारीको सहभागिता रहेको थियो । कार्यक्रम वालिङ उद्योग वाणिज्य संघलाई संयोजनको जिम्मा दिइएको थियो । आजै वालिङ जेसीजको संयोजनमा सांझ वालिङ बजारमा दिपावली गर्ने र पदम गुरुङको संयोजनमा वृहत सास्कृतिक कार्यक्रम गरिने नगरपालिकाका प्रमुख कार्यकारी अधिकृत गुरुदत्त सुवेदीले जानकारी गराए ।
