एसिवशरण महत
स्याङ्जा, २७ भदौ ।
भदौ २४ गते बि.पि जयन्तीको अवसरमा देशभरवाट एकैसाथ सुरु भएको दोस्रो चरणको जागरण कार्यक्रम आज भिरकोट नगरपालिका वाड नं १मा सम्पन्न भएको छ । जागरण कार्यक्रममा केन्द्रिय प्रतिनिधि तथा पूर्व संविधान सभा सदस्य झुलवहादुर आलेले वर्तमान सरकारको दुई तिहाइको दम्भका कारण लोकतन्त्र र संविधान खतरामा परेको वताएका छन् ।
स्याङ्जा क्षेत्र नं. १ अन्र्तगत प्रदेश क को भीरकोट १ मा जागरण कार्यक्रम मा वोल्दै आलेले जनता कम्यूनिष्ट संग आत्तिइसकेको अवस्थामा नेपाली काँग्रेस एकजुट हुन आवश्यक रहेको वताएका थिए। जागरण कार्यक्रममा नेपाली कांग्रेस स्याङ्जाका नेता संविधान सभा सदस्य राजु थापाले अग्रजको सम्मान गर्दै पार्टीभित्रका स–साना तिक्ततालाई आपसी सहमतीको आधारमा समाधान गरी सिंगो कागे्रस एक जुट भई अगाडि बढेमा मात्र पार्टीमा सुधार, लोकतन्त्रको रक्षा र देश विकास हुँने बताए ।
वर्तमान सरकारको गलत क्रियाकलापको वारेमा नेपाली काँग्रेसले प्रतिपक्षी भुमिका निर्वाह गरी जनताको लामो बलिदानीको उपलव्धीको रक्षा र राष्ट्रियता जोगाउनुपर्र्नेे धारणा राखेका थिए । नेता थापाले कागे्रसले निर्माण गरेका निति र सिद्धान्तलाई कार्यान्वयनमा ल्याएका कुरा जनतामा सहि प्रचारप्रसार नगर्नुले नै कागे्रसको हार भएको उनको भनाई थियो ।
कार्यक्रममा भीरकोटका मुस्लिम समुदायका करिव चार दर्जन नेकपा परित्याग गरी कागे्रसमा प्रवेश गरेका छन् । प्रदेश ख का केन्द्रिय प्रतिनिधि तुल्सी नारायण श्रेष्ठ, कार्यबहाक सभापति कुमार राना, क्षेत्र नं. १ का सभापति तुल्सी रेग्मी, महाधिवेसन प्रतिनिधि गोविन्द कुमार कर्माचार्य, उपप्रमुख सिमा केसी कमाचार्य, क्षेत्र नं. १ प्रदेश कका कोषाध्यक्ष ईन्दिरा केसी, प्रवेशी उदरत अलीलगायतले वोलेका थिए । क का सभापति रुकबहादुर क्षेत्रीको सभापतित्वमा सम्पन्न कार्यक्रममा स्वागत ओम भट्ट, सञ्चालन डिआर पोख्ररेल र धन्यवाद भीरकोट नगर प्रवक्ता दिपेन्द्र केसीले गरेका थिए ।
