मिना कंडेल
नवलपुर २६ भदौ ।
पूर्वी नवलपरासीको गैडाकोट १५ मनकामना टोलमा वस्ने ६८ बर्षीय भूमादेवी खत्रीको हत्यामा संलग्न रहेको आशंकामा पक्राउ गरिएका चार जना अभियुतmलाई नवलपुर प्रहरीले विहिवार सार्वजनिक गरेको छ । नवलपुर प्रहरीले गैडाकोटमा गहना लुट्ने क्रममा हत्या भएको २४ घण्टा पछि हत्यामा संलग्न चार जनालाई पक्राउ गरि सार्वजनिक गरेको हो ।
खत्रीको हत्यामा संलग्न रहेको आशंकामा प्रहरीले खोटाङको खिचापोखरी घर भई हाल गैडाकोट १५ बेल्डियामा बस्दै आएका ३६ बर्षीय अर्जुन खड्कालाई पक्राउ गरेसँगै अन्य तिन जनालाई पनि पक्राउ गरेको हो । प्रहरीले गए राति खड्काकी श्रीमती ३५ बर्षीया मिना खड्का, तनहु रिसिङ घर भई हाल गैडाकोट १५ बुद्धचोक बस्ने ४५ बर्षका बसन्तकुमार बराल, बरालकी श्रीमती ३८ बर्षका कमला बराल लाई नियन्त्रणमा लिएको नवलपुर प्रहरी प्रमुख मोहन प्रसाद पोख्रेलले जानकारी दिए । आर्थिक प्रलोभनमा परि निजको हत्या भएको हुन सक्ने प्रहरीको अनुमान रहेको छ । घटनाको थप अनुसन्धान भईरहेको नवलपुर प्रहरी प्रमुख पोख्रेलले बताए । उनीहरुको साथबाट सिक्री, लकेट र रिङ समेत बरामद गरेको प्रहरीले जनाएको छ ।
मृतकको शव भान्छा कोठाको भाडा माझ्ने स्थानमा घोप्टो परेको अवस्थामा फेला परेको थियो । उनको कान, टाउको र अनुहारमा चोट लागेको थियो । धारियो हतियार प्रहार नगरेको भएपनि उनलाई गहना लुट्ने क्रममा कुटपिट गरेर हत्या गरेको प्रहरीले प्रारम्भिक अनुमान गरेको छ । उनको तीन छोरा जापान र अष्ट्रेलियामा बस्दै आएका र उनी घर एक्लै बस्दै आएकी थिइन् । अभियुतmलाई कर्तव्य र डाँका मुद्धामा नवलपर जिल्ला अदालतबाट म्याद थप गरि अनुसन्धान भइरहेको प्रहरीले जनाएको छ ।
