स्याङजा २४ भदौ ।
जननायक बिश्वेश्वर प्रसाद कोइरालाको १०६औं जन्म जयन्तीको अवसरमा देशभर वृक्षारोपण गरी दोस्रो चरणको जागरण अभियानको शुरु गरिएको छ ।
हिमाल, पहाड, तराई–मधेश नेपाली काँग्रेस राष्ट्रिय जागरण अभियान’ भन्ने नाराका साथ आजबाट शुरु भएको दोस्रो चरणको जागरण अभियान हरेक प्रदेश निर्वाचन क्षेत्रमा सुरु भएको हो । प्रदेश निर्वाचन क्षेत्रमा केन्द्रित कार्यक्रमका लागि देशभरमा पार्टीले तिन सय ३० जना प्रतिनिधिलाई जिम्मेवारी दिएको नेपाली काँग्रेसले जनाएको छ ।
स्याङ्जाका दुई निर्वाचन क्षेत्रका चार प्रदेश निर्वाचन क्षेत्रमा एक सय ६ विरुवा वृक्षारोपण गरी बिपि जयन्ती र दोस्रे चरणको जागरण अभियानको सुरुवात गरिएको छ । जिल्लामा क्षेत्र नं १ का प्रदेश निर्वाचन क्षेत्र क को पुतलिबजार नगरपालिका स्थित वाडखोला, निर्वाचन क्षेत्र ख को विरुवा गाँउपालिकामा र क्षेत्र नं २ क को वालिङ नगरपालिका स्थित बिपि चोकमा, क्षेत्र ख को गल्याङ नगरपालिका स्थित उत्तरवाहिनी क्षेत्रमा वृक्षारोपण गरी अभियानको थालनी गरिएको छ ।
चार प्रदेश क्षेत्रका पुतलीबजारमा नेपाली काँग्रेसका केन्द्रिय सदस्य गोपालमान श्रेष्ठ, विरुवामा पूर्व संविधान सभा सदस्य झुल बहादुर आले, वालिङमा नेपाली काँग्रेस कास्कीका नेता गुरु बराल, उत्तरवाहिनी क्षेत्रमा कास्की की पूर्व संविधान सभा सदस्य सारदा पौडेलले सम्वोधन गरेका थिए ।
जागरण कार्यक्रमको उदघाटन गर्दै नेताहरुले सरकारको कडा आलोचना गरेका थिए । भने पार्टीको आन्तरिक लोकतन्त्रलाई मजवुद गराउदै आगामी निर्वाचनलाई लक्षित गरेर पार्टी संगठन गर्नुपर्नेमा जोड दिएका थिए । आन्तरिक गुटवन्दीमा फसेको पार्टीलाई उम्काएर निकास दिन नेतृत्वलाई दवाव दिन समेत कार्यकर्तालाई आग्रह गरेका थिए ।
