मिना कंडेल
नवलपुर २४ भदौ ।
नेपाली काँग्रेसको दोस्रो चरणको राष्ट्रिय जागरण अभियान मंगलबारबाट देशव्यापी रूपमा एकसाथ प्रारम्भ भएको छ । बिपी कोइरालाको १०६औं जन्म जयन्तीको अबसरमा विरुवा हरेक प्रदेशसभा क्षेत्रमा जम्मा ३४ हजार विरुवा देशभरि रोपेर अभियानको उद्घाटन गरिएको छ । यता नवलपुर जिल्लामा पनि ४ वटै निर्वाचन क्षेत्रमा केन्द्रीय प्रतिनिधि सहित वृक्षारोपण गरिएको छ ।
नेपाली काँग्रेस निर्वाचन क्षेत्र नम्वर १ प्रदेश क गैँडाकोट ७ मा रहेको नारायणी माध्यामिक विद्यालयको परिसरमा वृक्षारोपण गर्दै जागरण अभियान सुरु गरिएको हो । नेपाली काँग्रेसका केन्द्रीय प्रतिनिधि शंकर पाण्डेको उपस्थितिमा १०६ वटा विरुवा बृक्षारोपण गरिएको हो । त्यसै गरि नेपाली काँग्रेस निर्वाचन क्षेत्र नम्वर १ प्रदेश समिति ख कावासोती १३ लौखानीमा पनि केन्द्रीय प्रतिनिधि रघुनाथ पौडेल को संयोजनमा बृक्षारोपण गरिएको छ ।
त्यसै गरी काँग्रेस निर्वाचन क्षेत्र नम्वर २ प्रदेश समिति क को मध्यविन्दु ३ जनता माध्यामिक विद्यालय ईटौराको परिसरमा वृक्षारोपण गरिएको छ । नेपाल महिला संघको केन्द्रिय उपाध्यक्ष सरस्वती अर्याल र प्रदेश सांसद विष्णु लामिछानेको को संयोजकत्वमा वृक्षारोपण गरिएको हो । त्यसैगरि काँग्रेस निर्वाचन क्षेत्र नम्वर २ प्रदेश समिति ख मा केन्द्रिय प्रतिनिधि शंकरकान्त जोशिको उपस्थितिमामा वृक्षारोपण गरिएको छ ।
मुख्यगरी प्रदेशसभा निर्वाचन क्षेत्रमा केन्द्रित कार्यक्रमका लागि ३३० प्रतिनिधिमध्ये अधिकांश आफ्नो जिम्मेवारी क्षेत्रमा पुगेर निर्वाह गरेका छन् । जसमा संघिय क्षेत्र नं १ अन्र्तगत क प्रदेशमा खेम सापकोटा र प्रदेश ख मा तीर्थराज चापागाई अध्यक्षमा सम्पन्न भएको छ । त्यस्तै संघिय क्षेत्र नं २ मा प्रदेश क को अध्यक्षमा धन सिहंचन्द्र वोहोरा र ख प्रदेशमा कृष्ण प्रसाद तिवारी प्रदेश अध्यक्षमा वृक्षारोपण गरिएको हो ।
जागरण अभियान क्रममा सामाजिक संवाद, युवा केन्द्रित विशेष संवाद, संविधान दिवसका कार्यक्रम, वडास्तरीय अन्तरक्रिया, स्थानीय तहको दुईवर्षे समीक्षा कार्यक्रम, पार्टी प्रवेशलगायत कार्यक्रम हुने प्रदेश सांसद विष्णु लामिछानेले जानकारी दिए । अभियान क्रममा पार्टीका केन्द्रीय प्रतिनिधिहरुले सम्बन्धित क्षेत्रका अग्रजहरु, शहीद परिवारहरु, द्वन्द्वकालका घाइतेहरु एवं विभिन्न आन्दोलनका घाइतेहरुको घरमै पुगेर अवस्था बुझ्ने र देश एवं काँग्रेसका लागि सल्लाह सुझावहरु संकलन गरिने उनले वताए ।
जागरण अभियान असोज ७ गते सम्म सन्चालन हुनेछ । विभिन्न पाँच मुद्दामा केन्द्रित रहेर ७७ जिल्लामा एकसाथ जनप्रदर्शन गरिनेछ । काँग्रेसले स्वदेश र विदेशमा सबैलाई उत्साहपूर्वक जागरण अभियानमा सरिक हुन आह्वान गरेको छ ।
