गण्डकी प्रदेशमा उजुरीको आधारमा स्याङ्जा चौथो
भवानी अधिकारी
स्याङ्जा २२, भदौ ।
भ्रष्टाचार अन्त्य गरि शुसासन कायम राख्न अख्तियारको प्रयासले मात्र नहुने अख्तियार दुरुपयोग अनुसन्धान आयोगका आयुक्त सावित्री खड्काले वताइन् । आईतवार स्याङ्जा सदरमुकाममा आयोगले आयोजना गरेको भ्रष्टाचार नियन्त्रण र सुशासन प्रवद्र्धन सम्बन्धी अन्र्तक्रिया कार्यक्रममा सम्वोधन गर्दै खड्काले अधिकार दुरुपयोग गर्ने जो कोहीलाई कारवाही गरिने वताईन ।
भ्रष्टाचार मौलाउदै गइरहेको वर्तमान अवस्थामा शुसासन कायम राखी भ्रष्टाचारलाई जरैदेखि उन्मूलन गर्न आयोग लागि परेको वताउदै खड्काले दुरुपयोगकर्ता ढिलो चाडो अख्तियारको नियन्त्रणमा आउने बताएकी छन् । उनले भनिनर्् आफनै आयुक्तलाई मुद्धा चलाउने अख्तियारले दुरुपयोगकर्ता अरु कसैलाई छाड्दैन ।’ भ्रष्टाचारलाई नियन्त्रण गर्न सम्पूर्ण संघ संस्था, कर्मचारी र नागरीक स्तरवाट संयुक्त पहल थाल्नुपर्ने वताएकी छन ।
कार्यक्रममा जिल्ला समन्वय समितिका प्रमुख सीता सुन्दास, प्रमुख जिल्ला अधिकारी कोशहरि निरौलाले कर्मचारी र जनप्रतिनिधीको मानसिकतामा परिवर्तन आउनु पर्ने बताउदै कानूनले तोके बमोजिमका काम, कारवाही गर्न गराउन सकेमा दुरुपयोग नहुनेमा जोड दिए ।
अन्र्तक्रियामा आयोगका सहन्यायधीवक्ता अच्युतमणी न्यौपानेले अख्तियार दुरुपयोग अनुसन्धान आयोगका काम, कर्तब्य अधिकारका बारेमा र पोखरा शाखाका उपसचिव मेघनाथ रिजालले गण्डकी प्रदेशका बारेमा अख्तियार सम्बन्धी कार्यपत्र प्रस्तुत गरेका थिए ।
कार्यालयका अनुसार गण्डकी प्रदेशमा ८ सय २८ वटा मुद्धा दर्ता भएकोमा स्याङ्जाका ६४ थान मुद्धा दर्ता भएकोमा ३० वटा मुद्धा किनारा लागिसकेको बताए । गण्डकी प्रदेशमा स्याङ्जा चौथो स्थानमा धेरै मुद्धा दर्ता हुने जिल्ला भएको हो । कास्की, पर्वत र तनहुँपछि स्याङ्जाबाट अख्तियार दुरुपयोग सम्बन्धी मुद्धा दर्ता भएको पोखरा कार्यालयका प्रमुख काशीराज दाहालले जानकारी दिए ।
कार्यालयका अनुसार रिसवत लिने दिने, राजश्व चुहावट, सार्वजनिक शक्तिको दुरुपयोग, पक्षपात, किर्ते जालसाजी, गैरकानून अभ्यास, अधिकारको दुरुपयोग, नपाएको ओहदा पाए भन्ने, गलत प्रतिवेदन दिने लगायतलाई भ्रष्टाचारजन्य कार्य मानिन्छ ।
अन्र्तक्रियामा पुतलीबजार ३ का वडा अध्यक्ष अमृतप्रसाद श्रेष्ठ, १३ का अध्यक्ष ख्यामनारायण अधिकारी, अर्जुनचौपारीका खडानन्द पौडेल र लालबहादुर गुरुङ, भीरकोट २ का अध्यक्ष कमल त्रिपाठी र राजेन्द्र केसी, ४ का चन्द्रबहादुर बस्नेत लगायतले जनप्रतिनिधीले छिटो छरितो शिफारिस गर्नु पर्ने, छिटो छरितो काम गर्दा कहिले आफैं फसिने पो हो की भन्ने चिन्ता बढेको बताए ।
