काठमाडौं– १५, भदौ ।
शनिवारदेखि अधकिांश बैंकको एटीएम सेवा बन्द भएका छन् । एटीएम नचल्दा सेवाग्राहीहरु समस्यामा परेका छन् ।
नेपाल राष्ट्र बैंकका प्रवक्ता लक्ष्मी प्रपन्न निरौलाका अनुसार एनआईसी एसिया र प्रभु बैंकको एटीएम सर्भर डाउन भएको छ भने अन्य बैंकको एटीएममा पनि समस्या आएको छ ।
एटीएममा देखिएको समस्या समाधानको प्रयास भइरहेको निरौलाले बताए ।
भने एटीएम ह्याक गरेर अनधिकृत रुपमा रकम निकाल्ने गिरोहले बैंकिङ प्रणाली ह्याक गरेको हुन सक्ने अनुमान गरिएको छ । नेप्समा आबद्ध भएका १५ बाणिज्य बैंकको एटीएम बन्द भएको स्रोतको दाबी छ ।
यसैबीच शनिवार राति एटीएमबाट अनधिकृत रुपमा पैसा निकाल्ने एक गिरोहलाई प्रहरीले पक्राउ गरेको थियो ।
प्रहरीले पाँच जनालाई दरबारमार्गस्थित नविल बैंकको एटीएमबाट पैसा निकाल्दै गर्दै गर्दा पक्राउ गरेको थियो । उनीहरु सबै चिनियाँ नागरिक रहेको प्रहरी भनाइ छ ।
एटीएम लुटपाटमा संलग्न उनीहरुको साथबाट १ करोड २७ लाख नेपाली रुपैयाँ र करिब १० हजार अमेरिकी डलर बरामद भएको थियो ।
महानगरिय प्रहरी परिसर काठमाडौंका प्रमुख उत्तम राज सुवेदीले चिनियाँ ह्याकरलाई नविल बैंकको एटीएमबाट पक्राउ गरिएको र एक जनालाई ठमेलबाट पक्राउ गरिएको जानकारी दिए । ‘सिस्टम ह्याक गरेर चिनियाँहरुले एटीमबाट पैसा चोरी गरिरहेको बेलामा प्रहरीले उनीहरुलाई पक्राउ गर्न सफल भएको हो’ सुवेदीले भने ।
पक्राउ परेका चिनियाँ नागरिकहरुलाई महानगरीय प्रहरी परिसर टेकुमा रोखको छ ।
