चितवन ९ भदौ। सञ्चारकर्मी रवि लामिछानेलाई पक्राउ गरिएको विरोधमा दिनहुँ प्रदर्शन हुनथालेपछि सरकारले कडा कदम चालेको छ । जिल्ला प्रशासन कार्यालय चितवनले सोमबारदेखि पाँचजना भन्दाबढी ब्यक्ति एकै ठाउँमा जम्मा नहुन आदेश जारी गरेको छ । जिल्लाको सुरक्षाको व्यवस्था कडा पार्न भन्दै प्रहरीलाई निर्देशन दिदै प्रशासनले चार किल्ला तोक्दै यस्तो निर्देशन जारी गरेको हो ।
प्रशासनका अनुसार, बाइपास सडकतर्फको आन्तरिक राजस्व चोकदेखि घरेलु कार्यालय चोकसम्म, पूर्वपश्चिम लोकमार्गतर्फको सप्तगण्डकी अस्पताल चोकदेखि चौबीस कोठीसम्म, बाइपास सडकतर्फको आन्तरिक राजस्व कार्यालयको चोकदेखि भरतपुर अस्पताल पुरानो मेडिकल कलेज जाने चोक–नारायणी मावि चोक–कृषि ज्ञान केन्द्र हुँदै पूर्वपश्चिम राजमार्गको चौबीसकोठी चोकसम्म प्रदर्शन निषेध गरिएको छ ।
यस्तै, बाइपास सडकतर्फको घरेलु कार्यालयको चोकदेखि दूरसञ्चार चोक हुँदै पूर्वपश्चिम लोकमार्गको सप्तगण्डकी अस्पताल चोकसम्म प्रदर्शन निषेध गरिएको छ ।
कुनैपनि बेला खतरनाक अवस्था आउनसक्ने भन्दै आइतबार अवेर रातीसुरक्षा समितिको बैठक बसेको थियो । स्थानीय प्रशासन ऐन २०२८ प्रयोग गर्दै सोमबार विहान ६ बजेदखि अर्को आदेश नभएसम्मका लागि पाँचजना भन्दाबढी ब्यक्ति एकै ठाउँमा जम्मा हुन नपाउने निर्णय गरेको छ ।
बैठकले सोही ऐनअनुसार तोकिएको चार किल्ला भित्र पाँचजना भन्दा बढी व्यक्ति एकै ठाउँमा भेला नहुन आदेश गर्दै थप सुरक्षा कर्मी परिचालन गर्न प्रसासनले अनुमति दिएको छ ।
