कैलासबावु श्रेष्ठ
गोरखा –५, भदौ ।
गोरखाको बारपाकमा बुधबार पारेको पानीले पहिरो जादाँ १ पसल बगाएको छ भने ३२ घर प्रभावित भएको छ । बारपाक सुलिकोट गाउँपालिका २ को रुदुकमा राती आएको बाढीका कारण स्थानिय देउबहादुर गुरुङ्गको किराना पसल वगाएको ।
बाढीकै कारण १२ घरमा भल पसेको छ भने बाढी पछिको पहिरोले ३२ घर प्रभावित भएको स्थानिय ढिलबहादुर गुरुङ्गले बताए । ‘पानी परे पछि हामी सबै स्थानिय मिलेर नाला बनाउदै थियौ । एक्कासी ठुलो भेल आयो । हेर्दा हेर्दै पसल बगायो अनि गाउँमा रहेको १२ घरमा बाढी पस्यो’ भन्छन ढिलबहादु गुरुङ्ग ।
बाढीले देउबहादुर गुरुङ्गको पसल बगाउदा ९ लाख बरावरको सामान र केही नगद बगाएको छ । बगाएको नगद मध्ये केही पैसा भने बिहीबार स्थानियले पाएर देउबहादुर लाई दिएका छन् । ।
राङ्गरुङ्ग देखी बारपाक सम्म निर्माण भई रहेको कच्ची सडकको नाला नहुदा भारी वर्षाले सडकको माटो र ढुङ्गा बगाएर ल्याएको थियो ।
सोही बाढीले स्थानिय १२ घरलाई क्षेति पुरयाएको छ । राती ७ः४५ बजे तिर भएको उत्त घटना पछि गाउँमा रहेको ३२ घर नै जोखिममा परेको छ ।
सडक छेवैमा घर निर्माण गदै गरेको ढिलबहादुरको उत्त बाढीले बालुवा, गिटी र ढुङ्गा समेत बगाएर लगेको छ । बाढीले सडक किनारमा पार्किङ गरेर राखेको १ ट्याक्टरलाई समेत पुरेको छ ।
सडक निर्माण संगै नाला निर्माण नहुदा बाढीको कहर भोग्नु परेका अर्का स्थानियको गुनासो छ । राती भएको उत्त घटना पछि बिहान मात्रै बारपाक बाट प्रहरी आएका थिए ।
हामी उद्वारमा जुटदै छौ : गा .पा प्रमुख
बारपाक सुलिकोट गाउँपालिका प्रमुख विण्णु भट्टले रुदुक लगायत केही अन्य गाउँमा पनि पानीले क्षेति पुरयाएको जानकारी दिदै उद्वारमा जुटेको बताए ।
प्रमुख भट्टका अनुसार बुधबार राती पानी संगै आएको हावाहुरीले बारपाक क्षेत्र नजिकैको तरासा पाखा, थैली डाडाँ र पुङ्गमा पनि क्षेति पुगको जानकारी दिए । भट्टका अनुसार तुम्सीङ्गमा रहेको हाईड्रो पावरमा समेत पानीले क्षेति पुरयाएको र सञ्चार सम्र्पकमा अवरोध हुनुका साथै सो रुदुकमा रहेको ८/१० घर बढी जोखिममा भएकोले तत्कालै सार्न भनिएको जानकारी दिए ।
उद्वारका लागि अहिले बारपाकको प्रहरी र वडाध्यक्षका साथै अन्य गाउँले लागेका छन ।
नेपाल रेडक्रस सोसाईटी जिल्ला शाखाले भने केही दिन अगाडी मात्रै उद्वार सामाग्री उत्त क्षेत्रमा पठाई सकिएकाे र आवश्यक अन्य सामाग्री पठाउन लागिएको सभापति भगवानबावु मास्केले बताए ।
