स्याङजा- ८, साउन ।
भिरकोट नगरपालिका वाड नं ५ का वडा अध्यक्ष यामप्रसाद अधिकारीले अाजका यूवा परिवर्तनका सम्वाहक रहेको वताएका छन् । वालिङ जेसीजको समेत नेतृत्व गरिसकेका अधिकारीले यूवा शक्ति निराशामा होइन अाशामा वाच्नु पर्छ भन्दै समृद्ध समाज निर्माण यूवाकै नेतृत्वमा सम्भव रहेको वताएका छन् ।
अाँधिखोला पिस युथ क्लव द्वारा अायोजित गत फागुन १७ देखि २७ गते सम्म सन्चालित तेस्रो वयरघारी रमाईलो मेलाको अाय व्याय सार्वजानिक गर्न गरेको पत्रकार सम्मेलनमा प्रमुख अतिथी अधिकारीले भिरकोटको अार्थिक, सामाजिक र पर्यटकिय सम्भावनालाई विश्वभर चिनाउन मेलाले महत्वपूर्ण भूमिका निर्वाह गरेको वताएका छन । उनले यूवाहरूले गरेको प्रयत्नको प्रशंसा गर्दै नयाँ सोच र उर्जाशील नेतृत्ववाट मात्र समाजको विकास हुने वताएका छन् ।
विशिष्ठ अतिथि भिरकोट नगरपालिकाका प्रवक्ता दिपेन्द्र केसीले युवाहरूको सक्रियता संगै जवाफदेयिता र पारदर्शिताको उत्तिकै महत्व रहेको वताएका छन् । मेलाबाट झण्डै २ लाख नाफा भएको छ । क्लबका कोषाध्यक्ष सुर्य अधिकारीका अनुसार कुल ३८ लाख ८१ हजार ७ सय ७९ रुपैयाको कारोबार भएको मेलामा ३७ लाख १ सय ४० रुपैया खर्च गरेको छ । क्लबले रमाईलो मेलाबाट खर्च कटाएर १ लाख ९१ हजार ६ सय ३३ रुपैँया नाफा गर्न सफल भएको हो ।
मेलामा सबैभन्दा बढी कलाकार व्यवस्थापनमा १० लाख ५० हजार खर्च भएको छ । पत्रकार सम्मेलनमा क्लवका अध्यक्ष राजकुमार गुरूङले मेलावाट बचत रकम विभिन्न सामाजिक कार्यहरुमा खर्च गरिने वताएका छन् । मेलामा विभिन्न प्रायोजन र सहयोगिले कवोल गरेको रकम उठाउन नसक्दा अाय व्याय सार्वजानिक गर्न ढिलाई भएको वताएका थिए । कार्यक्रम क्लबका अध्यक्ष राजकुमार गुरुङको अध्यक्षतामा सम्पन्न भएको थियो भने सञ्चालन सचिव सुस्मिता गुरुङले गरेकी थिईन । २०७० साल देखि क्लवले विभिन्न रचनात्मक कार्य गर्दै आईरहेको छ । २०७२ मा भुकम्पपिडितलाई जस्ता पाता प्रदान गरेको थियो भने दोस्रो मेलाबाट बचत भएको रकमले उज्यालो सडकका लागि सडक बत्ति जडानमा खर्च गरिएको थियो ।
